Über mich

Hallo zäme

Ig fröie mi, dass dir mi Onlineshop bsuechit. Mi Name isch Miles Reid.
Ig due i mire Freizit lideschaftlich gärn Chrütli zieh.

Dank mim Nachbar, wo äs grosses Gwächshuus het, hani dert d Müglichkeit, mi voll und ganz minere Lideschaft z widme.

Dr Name Chrüterfritz het mir guet gfaue, wöui gärn mitem Nachbarsbueb Namens Fritz, due Zit verbringe. Är chunt de mit mir ou gärn is Gwächshuus, u de düe mir dört mängisch chli zäme Spile.

Mini andere Hobbys si mini Fründe, dusse sii und zu mine Tier luege. Aber am liebschte dueni haut scho viu Zit mit mine Chrütli verbringe. Das macht mir haut eifach Spass.

Auso wenn du äs Qualitäts-Chrütli vo mir möchtsch, wo mit viu Liebi isch ufgwachse - de bisch hie, bi mir genau richtig!
Die Chrütli dueni de sorgfäutig verpacke und schicke se dir mitr Post.

I bi froh, faus mau öppis nid ir Ordnig isch, du di bi mir duesch mäude.
Sicher findemer de zäme ä Lösig. 

Ganz nachem Motto: Numä ä zfridnige Chund isch ä guete Chund. :-)

Und ize viu Spass bim Chrütli shoppe.. :-)

Liebe Gruess,
Miles